O Pacto Mundial da ONU España e Viratec poñen en valor o vínculo entre a sustentabilidade e a rendibilidade para as empresas galegas

 

O Pacto Mundial da ONU España e a Agrupación industrial Galego de Solucións Ambientais e Economía Circular, Viratec, en colaboración con Afundación, Obra Social ABANCA, celebraron a xornada titulada “Rendibilidade económica a través da sustentabilidade empresarial: experiencias e solucións para empresas galegas”. O evento, que contou coa participación de persoas expertas e líderes empresariais, centrouse nas oportunidades e beneficios que conleva para as empresas a adopción de prácticas sostibles, aplicadas ao tecido empresarial galego.

A inauguración do evento correu a cargo de Clara Arpa, presidenta do Pacto Mundial da ONU España, que animou ás empresas galegas a apostar pola sustentabilidade, xa que coa súa integración “non só contribúen ao benestar social e ambiental, senón que tamén obteñen beneficios económicos a longo prazo. De feito, segundo a nosa última consulta empresarial sobre ODS, o 44,3% das empresas galegas considera que a integración dos ODS impactou de forma positiva sobre os resultados da súa empresa e un 83,9% afirma que existen vantaxes competitivas na súa implementación”.

Pola súa banda, Josefa de León, vicepresidenta de Viratec, declarou durante a xornada que “os grandes retos de nosa era viran ao redor da sustentabilidade ambiental, social e de bo goberno. É o momento de innovar e impulsar solucións que nos dirixan cara a un crecemento sostible. En Viratec temos o propósito de axudar aos sectores produtivos galegos a virar os seus modelos de negocio cara á economía circular para lograr que as empresas sexan máis competitivas e sostibles”.

Desde Afundación, Obra Social ABANCA, o seu director xerente Pedro Otero Espinar, engadiu que “todo este inmenso beneficio a nivel social, ambiental, empresarial ou laboral é, sen dúbida, o motivo polo que o paradigma corporativo está a incorporar, cada vez con maior repercusión, os principios éticos que rexen as numerosas iniciativas ás que neste ámbito adheríronse ABANCA e Afundación.”.

Alto compromiso das empresas galegas coa sustentabilidade empresarial

Galicia conta actualmente con 96 organizacións participantes do Pacto Mundial da ONU España, que entenderon esta relación e apostaron pola integración da sustentabilidade nas súas estratexias. Durante a xornada catro delas compartiron as súas experiencias nunha mesa redonda, na que se debateu o papel crave da sustentabilidade como motor para o éxito económico das empresas galegas. Este enfoque práctico foi achegado por: María García, xerente de Responsabilidade Social e Sustentabilidade de Abanca, Melisa Pagliaro, directora de Marketing e RSC de Gadisa, Paloma Lemonche, técnica de Sustentabilidade de Nauterra, e Gonzalo Varela, director xeral de Tevalcor.

Os seus testemuños reflectiron o crecente compromiso das empresas galegas coa Axenda 2030, unha tendencia que quedou evidenciada na consulta empresarial do Pacto Mundial da ONU España publicada en 2022. Segundo esta, o 85% das empresas galegas coñecen a Axenda 2030 e o 86% leva a cabo acciones que impactan nalgún dos ODS. Más concretamente, as entidades desta comunidade autónoma priorizan o seu traballo no ODS 5 sobre igualdade de xénero (69,5%), o ODS 12 relacionado coa economía circular (63,2%), o 8 sobre traballo decente e crecemento económico (54,7%) e o ODS 7 sobre enerxía limpa e non contaminante (51,6%).