Compartimos o primeiro Plan Estratéxico Horizonte Europa 2021-2024, no que a Comisión Europea establece as prioridades de investigación e innovación para un futuro sostible. Un Plan totalmente en liña coa estratexia de VIRATEC.
As catro directrices estratéxicas marcadas por Europa para os investimentos en investigación e innovación nos próximos catro anos son:
- Promover unha autonomía estratéxica aberta liderando o desenvolvemento de tecnoloxías dixitais, habilitantes e emerxentes, sectores e cadeas de valor que se consideran clave.
- Restaurar os ecosistemas e a biodiversidade de Europa e xestionar os recursos naturais de xeito sostible.
- Facer de Europa a primeira economía circular sostible e neutral en termos climáticos baseada na tecnoloxía dixital.
- Crear unha sociedade europea máis resistente, inclusiva e democrática.